Bahan Jamita Partangiangan : 1 samuel 16:1-13

 

I.                 Patujolo

Molo disasada parkarejoan manang na asing dihuria pe tongan pastina nadi utamahon ima kualifikasi, adong kriteria naboi dijalo sasada halak I nadibereng. Suang songoni musekan hu naeng gabe uluan ni Negara adong syarat”dohot kriteria nadipatupa asa boi mancalonhon gape presiden.onma nanaeng siparsiajaronta saonari on naseringan hita mamuten I angka jolma ima sian penampilan luarna gabe lupa marnida habuluson ni roha sasada halak.

II.               Hatorangan Ni Turpuk

Adul marasing do gombaran ni pardalanan ni ngolu Raja Daud dohot raja saul. Ia raja saul digurithon halak na uli rupana manang didok ganteng, pardagingonna timbo sian sude jolma di Israel, holan hurangna parila do nasida. Ibana jolma nasingkop parngoluanna sian penampilan dohot pardompahonna, dang adong jolma na rimas ibana nagabe manguluhon bangso I, selain halak najugul roha. Alai molo raja David asing muse nang natorasna ima si Samuel pe sanksi do marnida raja David  digombarhon diturpuk ta on, nasida mandok dirina naposo dope jala dang sanggup ia molo mangulahon angka ulaon ia dung pamilliton Debata hu nasida, didok Andul marasing do sian angka abangna si eliab naboi usosokanna.

          Alana sian hajolmaon dibereng si Samuel di turpuk on molo di bagasan Debata  songoni, dang singkop dibagasan simalolong ni angka jolma alai dibagasan Debata sapala naung ditodo pastina sanggup do mangulahon I saluhutna. Dipinsang Debata do si Samuel aha nadi bereng ni ibana I dang songoni Parnidaan ni Debata. Adong piga-piga naboi taparsiajarhon sian bagas turpuk on ima:

a.     Jolma Mamillit Sian Simalolong Alai Debata Sian Harohaon

Marsak do harohaon ima si Samuel ala nadi tulak Debata Raja Saul gabe uluan di bangso Israel jala biar do rohana ia disuru nasida mangalului halak na asing gabe rajani bangso I, biarna gabe raja saul anon pamagohon hosana si Samuel. Alani nadisuru  mangalului na asing dibagasan hadirion nasida, dilehon Debata angka tudu-tudu aha siulahononna dina mangalului manguluhon bangso i. ditulak Debata pe si Saul ala naso setia maradophon IbaNa, alani ima disuru si Samuel asa mangalului panggatina jala miahanna. Mansai menarik dison ia pasuruon ni Debata dibuhai songon sada sungkun-sungkun alai halus, sadia leleng on ho marsak tarsigot tu si Saul?. Debata naeng mandok nunga boi humusor sian marsak ni rohai, unang sai lalap torus disitaonon sisongoni. Angka ulaon naung salpu unang gabe sipangambiti ima nanaeng mangulahon angka sangkap ni Debata.

b.     Mangarade hu pasuruon Ni Debata

Borhatma si Samuel ima hu huta Betlehem hu bagasni si Isai, alai dipardalanan nasida I gok rimas do anggo ibana, ia molo mago hosanna dibahen raja Saul.disonma Debat mangalehon habisuhon diri ia na jagaon ni Debata do nasida pasahathon angkau naung dipasahat huibana. Dilehonma alasan nadenggan ia naeng mamelehon pelean tu Jahowa umbahen naro. Dibagasan rimas I dangna so diboto Debata aha di pikiranna, dibagasan keaadaan si songoni do patupaonni Debata do angka dalan nadenggan. Dung sahat dihita Betlehem, di pio si Isai ma anakhonna si sada-sada, nunga hamper salah langka si Samuel ia ditikki dung dibereng nasida si Eliab, anak siakangan nadenggan rupana dung mardompakhon bohi hunasida, jala dipikiranna ”on do huroha simiahan di jolo ni Jahowa naeng?”. Molo sian hajolmaon nyia dang salah pikirannai, alani penampilan nai mansai denggan. Pintor dipinsang Debata do ibana,  unang ho mamereng  tu rupana mana tu tongam ni dagingna ndada parnidaan nijolma nadipake Debata.dunghon dipadopakhon sude angka ianakhon nai dang adong na sosok. Alai adong dope sada nai anakhon nasida naso jumpa dope hu nasida. Ima si Daud siampudan nai na pas marmahan nasida ditiki diharoro ni si Samuel, dang ringkot dinatoras ni nasida marnida si Daud on, gabe dang hapikiran nasida marningot si Daud. Disonma huaso ni Debata, nadi lupahon ni angka jolmai do dipillit Debata gabe si Daud natarpiliit naeng miahanni si Samuel.

 

III.             Hahonaan Ni Turpuk

Tutu na dilehon Jahowa do hamuliaon tu Raja David marhite tanduk jala nimiahan gabe raja ni Israel. Alai dungkon i, digohi Jahowa do padanNa hamuliaon ni Jesus Kristus, Mesias. Marhite sian ende ni si Hanna i ma sada pamerengan manang panatapan tu jolo. I ma na mangalehon hamuliaon tu sahalak raja. Raja na didok dison i ma ndada holan martudutudu tu raja na bangkit laho margomgom Israel, alai panatapan na tangkas do i taringot tu Sipalua ni hajolmaon ima Kristus Jesus Tuhanta. Nunga disangkapi Jahowa na ingkon sorang si Samuel laho manguluhon bangso i songon dalan laho mamillit raja di bangso Israel. Alai natumangkas ingkon ongkuhononta, hamuliaon ni Jahowa na nilehonNa tu Jesus Kristus. unang tahaginjanghon dirinta ala ganup tingki sandok huaso dohot gogo na tajalo di portibi on boi do agohonon ni Jahowa. Alani i hamu angka dongan, unang ginjang rohanta molo pe denggan ulaonta di bagasan tingki on, gok artanta dohot timbo parbinotoanta, hipas pamatangta jala gabe marroan angka dongan dohot aleale manjonok ala ni hinadenggan ni ngolu na tadai I, Amen.

 

Berbagi :