BAHAN JAMITA MINGGU :JUDIKA 22 MARET 2026, “Jahowa Mangalehon Hosa Hangoluan” HESEKIEL 37:1-14

 

BAHAN JAMITA MINGGU JUDIKA

22 MARET 2026

“Jahowa Mangalehon Hosa Hangoluan”

HESEKIEL 37:1-14

I.                Patujolo

Molo sian segi kedokteran, hamatean ima dang bergerak, dang bernafas, aliran darah behenti, denyut jantung pe so, jala sude do mabiar ia molo dung dihatai hamatean, mansam hamatean na adong diportibion adong na kecelakaan, adong namate ditarpodom jala di dangkalan na asing. Huhutnai muse disonma Adong do di angka partingkian na olo namambaen mansai dokdot sude naung diulahon naeng marhaujungan, dang adong be panghirimon, dang adong be hagogoon naeng hehe pe, holan na adong ima angka teba-teba ni angka ulaon naung salpu manang holan masa lalu. Songononma gombaran ni parngoluon nadiae bangso Israel ditiki panurirang Hesekiel manjalao pangungkapon namambaen halongongan di sada inganan ni rura nagok holi-holi ni jolma namate, apala isonma huaso ni Debata naeng patuduhononNa diangka na golap dohot naung mate ima, naeng patandahononNa ise do ibana na sasintongna.

II.              Hatorangan ni Turpuk

Pangungkapon nadi bagasan turpuk on namabukahon angka pikiran ni jolma nalaho mananda Debata , sian ibaNa do namanompa asa marhosa hangoluan angka manisia di sisik ni tano on jala hu ibaNa do namangaturhon namangolu dohot nalao mate. Panurirang hesekiel diturpuk on dihatihai digombarhon diturpuk on ima ditingki di habuangan babel bangso Israel. Bangsoi nunga hamagoan saluhutna angka na adong dinasida, songon bagas joro Ni Debata, uluan,tano, dohot identitas na sandiri pe nunga hamagoan sian bangso napinillit Ni Debata, dang holan kehilangan fisik nadipanghilalahon, alai tongdo hamagoan nasida diangka panghirimon, mansai borat do nadipanghilalahon ia molo dang adong be panghirimon (Ay.11). pandohan dibagasan turpuk I dang na holan hata hiperbola manang hata puitis gombaranna, onma angka angguk-angguk ni bangsoi naung mate diharohaon.

Marhite Tondi ni Debata Ditogihon si Hesekiel mangida sada rura nagok holi-holi angka namate, nalaho patuduhon sada sorminan parohaon bangso Israel ima angka holi-holi I ala dung mate harohaonna, jala dangna holan kebetulan on. Disengaja Tuhan I do diboan panurirang Hesekiel nalao mamolus angka holi-holi i, molo dihata heberna ni mamolus ima avar namarlapatan Debata naeng marhite panurirang Hesekiel asa mangida diangka harohaon di bangso I, asa patar di ida nasida nunga mansai parah di angka keadaan di bangso I, Debata manogihon asa manatap hamatean asa dialusi sian hajujuron. Godangni angka holi-holi na marrarahan diatas ni sisik rura, dilapatimai ia hamatean I dang holan hu sada halak manang hu dua halak, di ondolhon sian segi kehancuran parrohaon ni bangso i, holi namasak dilapati diturpuk on patuduhon hamatean I nunga leleng adong dang adong be sisa hangoluaon on.

Nagabe sungkun-sungkun nuaeng boi do muse holi-holi I gabe mangolu muse? Hata kunci dison “mangolu” molo di hata heber khayah namarlapatan mangolu, mulak mangolu. Dang hata nagale dipake on alai naeng manggombarhon parngoluan on songon sorhani padati, torus muba-uba jala marhalanjuton. Ia ditingki disungkun Debata, nunga adong alusni sungkun-sungkun on sian panghataionNa marhite panurirang Hesekiel, alusna Jahowa, Ho do umbotosa! . dangna hata sipanggaraon alusni ni panurirang hesekiel dison ala sodiboto nasida ahanamasa hujoloan ni ari, alai boi di ida sian alusnai, naeng saluhutna asa hu Debata dipasahat. Onma alusni haporseaon nasasintongna, mampasahathon ngolu hu Debata, dangna gabe paksaan di son, songon adong pandokhan asing dipamangan asing muse di harohaon. Alai sian serep jala alus alamiah natulus do dibaen panurirang Hesekiel, dang haporseaon namamaksahon alai haporseaon namanghaporseaon hu Debata ibana do umboto saluhutna dingolu ni angka jolmai. Di bindu 37 on sada pandohan namansai teologis nagogo tarsingot di panghirimon, alai panghirimon dison ditogihon Debata pe panurirang Hesekiel dang langsung dilehon hagogon, diboan do nasida mamolus mangalaosi holi-holi I laho marnida mansai masak situtu do haporseaon i. panghirimon dibagas hajujuron nalaho mangadopi diangka parngoluon namansai paet, asa boi mangadopi dihasintongann ni ngolu namanatap holan hu Debat sambing. Tangkas do dialus panurirang Hesekiel disungkun-sungkun ni Debata nagok panghirimon holan hu IbaNa. dangna soboi dohononna hia “tontu boido”alai dibagas alus namansai hagaleon, holan marhaporseaon hu Debata do Nasida ngoluna maradophon IbaNa dialusnai. Dititik onma  penyerahan diri ngoluni sasada halak marpanondang di angka panhirimon namanontong, dangna holan panghirimon holan di hata, dangna holan panghirimon tongan sian hagogoon manang sian hamaloon di sasada halak, alai panghirimon namarpungu di sude angka pangalaho dan padan ni Debata naso olo muba. Adong piga-piga parsiajaran nabolon sian turpuk on :

1.   Naro Do Debata Jumolo mandapothon

Sada hasintongan ni namangolu naboi manggerakhon harohaon ni jolma ima sian namarnida di hasintongan ni ngolu panuriang Hesekiel. Ia panurirang Hesekiel dangna mangido asa dilehon pangungkapon marnida di namasa i. dang dipaima Debata dohot dangna mamereng keadaadanan songon dia keadaan ni haporseaonta, masak do manang natata, ditingki nunga mandao harohaonta sian IbaNa, bahkan ditingki haporseaon ni bangsoi nunga mansai tarpuruk di panghilalahon lumobi nasida dibagasan habuangan babel nadibagas haputus asaon, di keadaan songoni do Debata Marhuaso manggerakhon harohaon ni jolma asa marpanghirimon. Asini rohani Debata najumolo na humusor diangka jolma, dangna alani hatamaon, dohot naung siap , alai Na Debata do IbaNa makana di dapothon hita, nagok holong dohot asini roha, saboha-bohani panghilalaan ni harohaon ni angka jolma di angka pardagingonta, dohot sahoring-horing di haporseaon , jala nunga manghilala dinamandao sian Debata, sai jumolo do Debata mandapothon di harohaon ni angka manisia, asa marnida aha naeng diulahon.

2.     Hata Ni Debata marhuaso manompa ngolu di rura nasopanagamon

Ditonga ni hamajuon ilmu pengetahuan dohot teknologi infotmatika sinuaeng on, mansai torop do halak um-godangan mangalului na instan. Ndang sabar paimahon proses di bagasan ngoluna, I do ngabe umbahen jotjot godang na salah mambaen keputusan ala ndang tangkas do pe dipahami.  Tung godang do angka hamaolon na ingkon taadopi saleleng marhosa dope hita di hasiangan on. Naeng ma ntarajumi na Jahowa do na mangarajai ngolunta. Dibagasan hata heber bernubuat ima nava bentuk hata parenta dang hola sekedar manghatahon, alai pasahathon angka hata nasiann tondi. Manghatahon hata panurirang hesekiel di namandok “ale angka holi-holi angka namasak I, tangihon hamu ma hatani Jahowa. Panurirang hesekiel manghatahon hataon dang sian hadirionna sambing alai namanghatahon hata ibana hata ni Debata do nasida, ala dipanke do ibana marhite pamanganna asa pasahathon hata hu angka holi-holi nahoring i. Ditingki Debata mansuru panurirang Hesekiel nalaho bernubuat hu angka holi-holi namasak I, sian segi parjolmaon sai hira naoto do idaon. Manghatai hu angka holi-holi naso marsipareon, jala naso marbinege, dohot naso namangolu. Ia hatani Debata dang marnida songon di situasi jolma asa manjalo diangka hatani Debata, marhuaso do hata ni Debata ala marhuaso doi luhutna sian Debata. Asa boi idaonta jala diharedeon nalao manjalo hatani Debata. Dung dihatahon hata I masa ma sada namasa naso boi dipingkiri sian hajolmaon, ia angka holi-holi I mula humusor, manusun gabe hajolmaon sandiri. Urat dohot pardangingonna manggohi holi-holi I, dang langsung singkop dijadihon Debata dibagasan sangkidop ni mata, alai adong proses naeng siboluson dison, asa marnida diangka langka pemulihan jala dohot nagok angka perhatian. Diangka keadaan sisongoni natape nunga dijadihon angka holi-holi asa gabe marsibuk, alai mangolu pe holi-holi i dang adong partondion disi (Ay. 8). Daging naso martondi tetap doi didok gabe bangke, onma parsiajaron mansai bagas siguruhononta, ia haheheon dangna secara sian lahiriah ale na adong do namansai bagas diharingkothon ima pangarimangion sian hita.

3.     Holan tondi Ni Debata naboi mangubah namate gabe mangolu

Ruakh  hata onma namarlapatan  hagogoon sian alam nasoboi idaon ale nyata jala marhuaso, lapatan hosa manang hosa hangoluan napangoluhon angka jolma ima artini tondi. Ia ditingki marharoan hosa I hu angka holi boi mardalan, hamubaon sian holi namasak gabe sada pasukan najongjong mansai togu, gombaran namasai dramatis, holan Debata do naboi patupahon I namate gabe mangolu, dang adong manisia naboi napatupahon ulaon sisongonon. Diturpuk on dangna hola naeng mandokhon jala patuduhon dihaheon ni jolma nadi patuduhon Debata alai naeng mangondolhon ngolu dibagasan hadosaon ima hamatean. Ia so mardosa jolma naparjolo natinompanai mangolu mahita saleleng ni lelengna, ia na adongdo dosai mambaen hita sa mandapothon diangka hamatean.

4.     Sian naso marpanghirimon gabe marhaporseaon namanontong

Dosa ni bangso Israel dinamanulak hatani Debata nadipasahat panurirang Hesekiel mambaen hamagoan nasida, gabe songon holi namasak, dibagasan hadosaon namansai ngeri ima jongjong Debata nagok asi ni roha, napasadahon angka holi-hoi na marserahan gabe boi marhadagingon,sian naso marpanghirimon gabe adong, jala mangulushon hosa hangoluan nasian Tuhan I, nagabe sada pasukan tentara nabolon.inghon marjaga do diangka panghorhon dihadosaon I hubagasan ngolu ni jolma. Dibagasan luhutni parngolu on I adong Debata namangelehon angka panghirimon hu angka jolma naporsea namanontong. Asa mangharingothon di angka hatana napinasahat angka panurirang I, ia hatani Debata bohal ni parngoluon napagalakhon jala naso olo suda, namambaen hu hadengganon sian naung hancur.

 

III.            Hahonaan Ni Turpuk

Ia natape diparngoluan siganup ari godang do jolma mandok dihatana porsea di pamanganna alai dang adong hamubaon ni roha, marminggu do angka jolmai holan sekedar mangisi absen, boi do taida ia holan paket internet nunga suda jala nunga marhoring, haru marsian dia ingkon diungker asa di isi muse paketnai, asa boi marinternet musekan, alai ia molo haporseaon molo marhoring dang boi di isi jolma angka hatani Debata. Boi do taida I sian sada-sada halak namangihon hatani Debata marhite angka jamita namangolu nadipasahat angka naposona sian langgatan, godangan nuaeng maniop handphonna be sobinoto aha diulahon jala nadi idana sian I ia ditingki marjamita, ditiop I angka hp na masing-masing. Sai dipangidohon angka ruas ido molo pasahathon hatani Debata asa adong manyian humorna, unang monoton. Lupa do hita ia hatani Debata dangna hola pasonanghon rohani sada halak angka jolma. Ia songon holi-holi naung masajk gabe mangolu, songoni naeng dipangidohon hita asa mangolu dihaporseaon. Jala unang tadok nunga godang ditangihon angka jamita namangolu ditangihon angka sipareon alai tung sada dangboi tangoluhon, sarupa mai dohonon mangolu alai dang martondi.

1.     Songon pandohan tak kenal maka tak saying  songon dia do martinanda nagka jolmai molo danghea dipungka angka panghataion nadenggan, di angka tuturna, jala songondia mananda Debata ia molo so he manghatai dohot Debata marhite ditangiangna, mansai godang do jolma mabiar manguluhon tangian daripada manghelai jolma, ia molo angka narumar sian pamanganna olo sampe dua pamanganna, alai molo martangiang dijolo natorop unjolo biar rohana.

2.     Mangolu mahita sian tondi ni Debata, mangolu pe jolma ia molo disungkun ahado tujuanmu namangoluon, alusni angka jolma, mangan, karejo, modom, ima torus marputar putar diulahon. Ngolu sisongononma naung mandate dihaporseaonna, ala dang adong marpanghirimnon dibagasan rohana. Naeng marsiajar hita mangarajumi hagogoon ni Debata marhite Barita na Uli do na patauhon hita mandalani ariari ni ngolunta jala margogoihon hita mangula angka ulaonta siganupari. Ndada sihailahononta Barita na Uli ni Kristus ai sian i do hita dapotan haluaon. Hajongjonghononta ma Barita na Uli marhite hadirionta; hata nang pambahenanta. Napatut sihailahononta ima angka ulaon na manghorhon dosa dibagasan ngolunta. Mansoadahon jala manulak Barita na Uli. Tahaporseai jala tabaritahon ma Barita na Uli ni Kristus i na mamboan hita tu haluaon dohot tu hangoluan. Ndada ala ni na mangulahon patik manang ala ni hamaloonta umbahen na malua hita.

3.     Paubaonna do rohani angka jolma namarjugul ni roha, holan alani dang dapot parkarejoaan, ekonomi merosot, olo do sipata mandele rohani angka jolma, ujungna marnata nata do hu Debata jala sai sungkun-sungkun dirohana boasa sai songonon ngoluna, disondo ro Debata mandapothon angka jolma namargale ni roha.

4.     Marbinegema angka jolma na marsipareon, asa marsiajar mahita angka hata ni Debata laho pabisukhon hita diparinandaonta hu Debata, asa marhaporseaon angka jolmai, mapangoluhon angka nagale, asa boi manimbangi dinadenggan manang dinahumurang.

 

 

Berbagi :