MINGGU 15 Maret 2026
“Mangolu Songon Angka Anak Hatiuron”
EV : Epesus 5:8-14 Ep : 1 Samuel 16:1-13
I.
Patujolo
Partingkianma nasoboi hita
lapati aha hatoranganna, alai partingkian sandiri I do naboi manggurithon sude
angka partikian naung diulahon ganup manisia na adong di portibion. Digurithon
partinghian I do sude angka naung taulahon di ulaon nagelleng manang nabalga,dibagasan
dosa dohot dang, natingkos manang daong. Songoni do nang ojahan ni jamita songon naholom
dohot natiur, ia on dang boi mardomu manang sadihari pe, ia ditiki ro naholom
disima ro natorang na pataridahon angka nagolap i.
II.
Hatorangan Ni Turpuk
Anak dibagasan hata gorik ima tekna bentuk jamak sian teknon
namarlapatan anak naung disoranghon dangna holan gabe anak sian artian
hubungan hukum manang mangain, alai anak natubu sian sumber hakikat. Adong Dope
hata huios namarlapatan tongan anak
alai mangartihon hu mangondolhon status dohot hak, alai diturpuk taon apostel
Paulus mamake hata teknon, naeng
mandokhon halak naporsea dangna holan tarsingot hatiuron na songoni. Ia molo anak
ni hatiruon ima tubu sian natorang dohot namanubuhon pe sian hatiuron, ido
nagabe mambuathon asa tiur, hata on dangna holan tarsingot posisi alai
namambahas asal-usul dohot hakikatna.
Ia molo hatiuron molo dibagasan bahasa gorikna ima photos sian bentuk genitive hata phos namarlapatan dakdanak ni natorang, genitive
dison marlapatan patuduhon sian dia asal, nampunasa dohot pangalaho.jadi
hatiuron I boi talapati naeng patorang “ise hita”?. Molo dibagasan halak Jahudi
manang Aram mandok sahalak “anak sian sesuatu” boi dohonon halak nampuna
kualitas, pangalaho doho identitas najelas. Apostel Paulus patoranghon halak
naung dipalua alani haporseaon dibagasan Jesus Kristus dangna holan dipadenggan
sambing songoni. alai ingkon do tongan marhamubaon sian nagolap hu natorang.
Halak naung porsea dibagasan Kristus unang be manyian mangulahon angka ulaon
hagolapon naingko do mangarimangi asa marhamubaon sian angka pangalaho na
humurang dijolo Ni Debata.
Ngolu ni halak naporsea naung mapahilalahon haimbaruon
ima mangolu dibagasan hatiuron. Hatiuron I boi di ida simalolong, jala hatiuron
ido manalpuhon sian haholomon. Disi adong hatiuron, disima tongan adong naholom,
sebalikna disi adong naholom disima tongan hatiuron, Alana dang boi mardomu
naholom dohot natiur. Dipaingot do marhite turpuk on ia ngolu angka anak ni
natiur ingkon marasing sian anak ni naholom, sude do nampunasa masa kelam di
ngoluna alai nunga mangolu hita dibagasan ngolu status naimbaru. Apostel Paulus
mandok asa unang mardongan dohot angka anak ni nagolap (Ay.7). dangna gabe
mangorai gabe mardongan dison alai dalam artia ikut ambil bagian do, naeng
didok dison gabe halak namarparbuehon pangalaho nadenggan, ima songon tanda ni
naung si ihuthon Kristus, ala marandul do pangalahon angka anak ni hatiur dohot
naholom, ulaon naholom nasomal juji adong di ngoluna, panghataion naso ture,
serakah dohot angka na asing. Tangkas didok dison ngolu ni halak Kristen nungan
ingkon mangolu dibagasa hatorangon, dang marmeam meam dibagasan hadosaon,
ingkon tubuma hailaon namangulahon dosa I, ia molo adong dang maila mangolahon
dosa dangna halak Kristen be I dohonon.
Ia parbueni hatiuron ima haburjuon, hatigoran namangolu
dibagasan halak naporsea dangna holan hasil usaha ni jolma sambing asa boi
denggan alai sian sada proses alami. Jolo pandohan dang dao tubis sian bonana
molo dao berarti diseret pinahan, isonma nanaeng tarajumi sian dia hita
berasal, ima sian Jesus Kristus namanobus. Halak naung
tangkas di bagasan panghirimon i, ndang na murak be ibana alana mangula do
Tondi ni Debata mangusehon holong ni roha ni Debata tu ganup na porsea i. Ia
sihirimon na sian Debata, ndang na muba manang mago i, alai na tutu do i, ndada
holan sihol ni roha boti. Tondi Porbadia do patandaphon di bagasan rohanta be
manghilalahon dohot manghangoluhon holong ni roha ni Debata di tonga ni parngolunta
on. Marhite Tondi Porbadia naung
dibasabasahon tu hita manahaphon haluaon i (ptds Ep. 1:13-14), na mangalehon
hatutuon, paboa naung puna ni Debata hita on.
Jesus do panondang ni portibion, angka ise halak namandok
si ihuthon IbaNa ingkon mangolu dibagasan hatiuron. Hadirion ni jolma naung
gabe dibagasan hatiuron dipatandahonma marhite sian pangalaho nadenggan,
dibagasan hatigoran namarparbue sian hadirion sandiri. Gabe anak hatiruon
marlapatan mai mangalului angka hatigoran ni Debata naung dilehon marhite
haluaon naung dilehonNa. Mangolu songon angka anak hatiuron ima sada panjouon
narumingkot tanda si ihuthon Kristus, ingkon marhamubaonma sian pola pikir,
pangalaho naso ture nasaleleng on nasalah dibagasan ngolunta, dang
sarupahononta be dohot naso mananda Kristus alai gabe ngolu naimbaru
nadipangidohon.
III.
Hahonaan Ni Turpuk
Marhamubaon
ma hita mangaruji sude angka naung taulahon, Dang sae
holan mamuji Debata dibagasan pambahenanNa, alai ingkon gabe sada anak hatiuron
mahita na mangolu ma i di bagasan haporseaon na togu. Panindangion na boi
parohon komitmen dohot prinsip na togu laho mangihuthon Debata. Na umbalga
naung pinatupa ni Debata ima hamamate ni Jesus di hau pinarsilang paluahon
hita. Haluaon naung tajalo naeng ma gabe patupa komitmen dibagasan haporseaonta,
jala komitmen i ma mangarahon hita rade marhamubaon (bertransformasi) menuju tu
lomo ni roha ni Debata. Ganup halak na ro tu adopan ni Debata mamboan rohana na
marhamubaon (ber-transformasi), pataridahon naung jinanghon Jesus di ngolu niba
marhite hasurungan di angka pambahenan, bertegur sapa denggan tu naung tinanda,
ala marhuaso do Tondi ni Deata paubahon halak na so mananda Ibana gabe siihuthon
ibaNa.Masihol marhobas marbarita na uli asa godang halak paubahon Rohana
marhite pangulaonta. Tapatudu ma Kristus i
ditonga-tonga ni ngolunta na tuk manjou sude
halak ro tu Ibana gabe tong nasida dapotan haluaon.
Antong, tajanghon ma Tondi Parbadia i tu hita, asa sintong hita
marpanindangion, manogihon angka na lilu i tu dalan lomo ni roha ni Tuhan i.
Taruli ma sandok jolmai dibarita ni Tuhan Jesus, jala ndang manontong di
hasipelebegunna. Di ganup tingki ma tahatindanghon i, marhite parange na
denggan na patuduhon sintong hita naug gabe porsea di Tuhan i jala naung
ginohan ni Tondi. Asa ndada holan maningtingkon asi ni roha i be tu hita
nuaeng, alai nunga disuanhon jala dihangoluhon. Denggan do tarimpun angka
parbue asi ni roha i, i ma: (1) pardamaena dohot Debata, nunga disalosehon be
parmusuon ala dosa i (2) nunga bungka dalan asi ni roha di Debata, nunga
jongjong di bagasan holong ni Roha-Na. (3) Gabe tubu do panghirimon di
hamuliaon ni Debata dohot hatontuan na so muba di ngolu na manongtong. (4)
Siingoton jala sihangoluhonon do, ia ro pe haporsuhon laho mamboan tu
hatotoras ni haporseaon do i sahat tu
panghirimon na so mambahen murak. (5) Diusehon Debata do holong ni roha-Na
marhite Tondi Porbadi jala marhite ma jinalo hatutuon ni holong-Na di bagasan
ngolunta on. Nuaeng na gabe siulahononta, tontu na dohot do hita angka naung
miniahan ni Debata jala disuru Tuhan Jesus gabe
naposona, maningtingkon taon parasinirohan i
di ngolunta ariari. Ndang olo hita holan tau
manjalo, alai ingkon dohot rade mangalehon. I do bangko na denggan di halak naung manjalo asi ni roha ni Debata.
Posting Komentar untuk "BAHAN JAMITA MINGGU : LETARE "