Sermon Jamita Epistel-5 Musa 11: 13 – 21

Sermon Jamita Epistel 

Minggu XIV Dung Trinitatis 06 September 2026

Manghaholongi Debata dohot dongan jolma

Kasih kepada Allah dan sesama Manusia

5 Musa 11: 13 – 21

 

1.   Patujolo

Digombarhon buku 5 Musa do sian mula bona sahat ro di ujung, ima pangaradeon ni bangso Israel laho mamongoti tano parpadanan, i ma huta ni halak Kanaan, huta ni angka bangso parbegu. Pangaradeon i mansai jamot dibahen si Musa, ala andul marasing do siadopan ni bangso Israel di tano sibongotan nasida i sian tano Misir na tinadinghon nasida. Ndada holan perbeguon ni angka bangso Kanaan i siadopan nasida. Tano na mardolokdolok dohot rihit na bidang do Kanaan i, jala holan marhangoluan sian udan do angka suansuanan disi; ndada songon na di Misir, adong sunge Nil na torus mamornohi tano gabe napu angka suansuanan. Alai anggo na rumingkot jamothonon nasida ima elaela ni angka bangso parbegu na humaliang nasida, alani mansai ringkot jamot unang sanga taela marsomba tu Debata sileban, ima nanaeng pasahaton ni turpuhon.

 

2.   Hatorangan ni Turpuk

a.   Na marsaulihon Kanaan i ima na unduk tu hata-Na Memang, nunga leleng bangso Israel ditogutogu Debata asa gabe bangso na satia mangulahon hata-Na. Mamuha dung ditobus nasida sian    parhatobanan    Misir,    dipataripar    mamolus    laut    rara, diparmudumudu jala diramoti saleleng di parhorsihan, marulakloni do mangonai uhum ni Debata tu nasida, ganup dilaosi nasida patik- Na.  Alai  sai  dipasuang  Debata  do  pasupasu-Na  tu  bangso  na tangkang i, asalma olo nasida pauba rohana na tangkang i. Pola do 40 taon lelengna bangso Israel di parhorsihan i diajar Debata, asa tung di hangoluhon angka Tona na pinasahat-Na marhite si Musa, ai diigil Debata nasida gabe bangso na badia.

 

Andorang so taripar nasida nasida tu tano Kanaan i, dipaingot si Musa muse bangso i, asa sai diparateatehon nasida sandok hata ni Debata.   Molo   so   diparateatehon   nasida   hatani   Debata,   ndang

tarparsaulihon nasida tano Kanaan i, alai baliksa gabe marpiarpiar ma rimas ni Jahowa mida bangso i. Molo dihalanggushon nasida hat ani Debata di inganan na imbaru i, hinsuon ni Jahowa do pintu ni langit  i  maniopi  unang  tuat  udan  i,  tano  i  pe  ndang  lehononna gogona, jala angka na manginganisa pe mago ma sian tano na denggan i (ay. 17).

 

Asa sahat diparsaulihon bangso i hadengganon ni tano bagabaga i, ingkon saluhut nasida gabe halak na unduk tu hata ni Debata. Halak na unduk tu hata ni Debata, i do na tau marsaulihon nasa pasupasu sian tano bagabaga i. Asa molo didok di ayat 18 “Antong sai parateatehon hamu ma angka hatangkon jala pamasuk hamu tu rohamuna jala rahuthon hamu angka i bahen partinandaan di atas tanganmuna, jala bahen parningotan di holangholang ni matamuna”, na marlapatan do i: Ingkon sian nasa roha , sian nasa gogo dohot sian pingkiran na torang nasida mangula siulaonnasida, na hombar tu hata ni Debata (5 Musa 6:5: ayat tahun pengajaran iman di tengah keluarga; Mat. 22: 37: Patik na ummangat).

 

b.  Natoras do guru ni bangso na satia tu Debata

Bangso na unduk tu hata ni Debata, na talup manjalo nasa parsaulian sian tano na nilehon ni Debata bahen teanteanan nasida, i ma bangso na tangkas mangarade sundut na umposo (dakdanak, remaja-tunas imbaru, naposobulung manang generasi muda) asa magodang dibagasan poda, pngajarion dohot haporseaon na polin. Alani ido ingkon tangkas adong panghobasion, panogunoguon na intensif tu angka sundut na umposo, songon na niondolhon ni ayat 19 i, ai shema Israel do i naung dipaullop di bindu 6. Panogunoguon na intensif patupaon ni natoras marhitehite panghataion manang diskusi manaringoti hat ani Debata. Patupaon ni angka natoras ma i di ragam ni angka tingki (kesempatan) dohot pangulaon (aktivitas), i ma tingki hundulhundul dijabu, di tingki mardalani di pardalanan, di tingki laho modom, dohot di tingki laho hehe sian podoman. Lapatanna, ingkon gabe guru do natoras di angka anakhonna, na bertanggungjawab mangajarhon hasintongan ni hat ani Debata tu nasida. Molo ganup natoras mangulahon i dapotan pasupasu ma sandok bangso i. Ai molo sandok keluarga ni bangso i gabe keluarga

na unduk tu hata ni Debata, jumpang ma bangso na satia tu Debata. Porsi ni natoras mansai sentral laho menontuhon keluarga i gabe keluarga na satia tu Debata.

 

3.   Paraithon tu Jamita

a. Molo tapaihutihut do sejarah ni hita Batak, ra sude do hita ingkon marhatopothon paboa basabasa ni Debata do haroro ni barita na uli tu halak Batak. Ala ro barita na uli   manirai bangso Batak, gabe halak na hatop marhamajuon hita. Tontu ndang tarsirang hamajuon ni bangso Batak. Alai sian pamerengan na nalnal  nuaeng  di  parsaoran  ni  huria,  hira  na  lam  moru  do hasatiaon ni halak Batak. Sotung do ulaning ala ni parsiajaran di hatani Debata na hurang manang na malobihu gabe maol diantusi? Ai ndang pola maila hita, molo didok generasi muda on “kenapa lebih enak di gereja sana kebaktian amang?”. Sungkunsungkun  on  olo  mambahen  iba  mauas  manang tarhatotong huhut sangkohot. Sungkunsungkun na mansai maol alusan, alani rap mangalusi ma hita di sungkunsungkun i.

b. Ida  hita  ma,  nunga  bahat  angka  parsorion  na  tasalpui,  nunga manang piga era dohot orde naung tabolus, alai hot dope jongjong huria gabe inganan pengajaran iman di tengah keluarga. Tontu ndang na membela diri, alai ala hot dope marojahan do ajaran na polin hita, sipata gabe ditinggalhon alani polinna, sipata ndang diantoi  alani  rongkingna.  Alai  mangihuthon  turpuhon,  ingkon hata-Na na sintongsintong i do sipodahonon, agia pe sipata suga tu roha ni sihatoropan.

c. Sejarah Jahudi mencatat, ia molo disungkun halak Jahudi ro di nuaeng: “piga halak ma najolo bangsomuna na pinalua ni Debata sian Misir?”. Ndada bilanganna be dipaboa, alai alusna “au ma sada na pinaluaNa i”, hape na imbaru tubu dope ibana. Sian alus i dapot hita parsiajaran haporseaon, sejarah ndada holan marningot taon dohot jumlah, alai sejarah ima pengalaman iman ala pambahenan ni Debata, ido sipajojoron di ngolu on. Amen.

Berbagi :