BAHAN JAMITA MINGGU ROGATE,KOLOSSE 1:9-14;

 

BAHAN  JAMITA  MINGGU  ROGATE

 Minggu, 10 Mei 2026

EV.: KOLOSSE 1:9-14;       EP.: JOB 33: 26-33;

 

“MANONGTONG MARTANGIANG / TETAP BERDOA”

I. PATUJOLO

Huria Kolosse jongjong marhitehite barita na uli na binoan ni Apostel Paulus, naung tubu jala marparbue. Mansai dokdok do parungkilon jala balga do nang mara na niadopan ni Apostel di na pajongjong Huria na di Kolosse ima mangadopi angka na pistar na mangajarhon poda haliluon, laho manegai haporseaon ni angka naung porsea tu Jesus Kristus. Mara na balga hinorhon ni parpoda haliluon i, ima panghangoluhonon di haporseaon sinkritisme, ima na padomuhon haporseaon tu Jesus Kristus dohot haporseaon hasipelebeguon. Intina ima: Haporseaon na marlaok hasipelebeguon. Gabe jotjot ma semo lapatan ni angka poda na sian hata ni Debata ala naung marlaok tu poda haportibion. Gabe jotjot ma maol dipabahir ruas ni Huria i, dia do na sian hata ni Debata jala dia sian habisuhon ni angka parpoda haliluon. Asa ndang polin be be hata ni Debata na niantusanna dohot na hinangoluhon ni Huria i.

Alani i do umbahen na digurithon Apostel Paulus surat on mandapothon Huria Kolosse, uju na dibagasan hurungan dope ibana, na manghalomohon asa lam matoras Huria na di Kolosse mangadopi angka parpoda haliluon na mangajarhon poda haliluon na mandok “Ndang Tuhan Kristus i alai jolma na Sumurung do”.  Ndang dialo Apostel Paulus parpoda haliluon i marhite sian parsualon di hata, alai dibuhai - ndang mansohot martangiang Apostel Paulus tu Debata di na tumangianghon Huria na di Kolosse, songon na pinangido ni ojahan di Minggu Rogate na mandok “Manongtong Martangiang”.

 

 II. HATORANGAN

Dipangido marhite turpuk ni jamita on asa  manongtong – ndang mansadi- ganup halak Kristen martangiang tu Debata. Songon Apostel Paulus na dibagasan hurungan, na so tumangianghon dirina asa pintor malua sian bagasan hurungan, alai mangharinghothon jala manongtong martangiang anggiat dapot  Pangantusion di ruas ni Huria i.

 

Adong 5  unok ni tangiang ni Apostel Paulus na marsirainrainan, na boi siputikanta sian turpuk jamita on, ima:

1. Mananda Lomo Ni Roha Ni Debata (ay.9)

“….Asa digohi di hamu pantas ni roha mananda lomo ni rohaNa, marhitehite nasa hapistaran dohot habisuhon partondion” .

Marhite sian turpuk on tangkas do isi ni tangiang ni Apostel Paulus ima na mangidohon pantas ni roha (Epignosis). Dang holan hapistaran (Sophia) na dipangido Apostel Paulus di tangiangna, alai na rumingkot ima pantas ni roha na marlapatan panandaon na polin (penuh), na manginsahi roha. Isi ni tangiang i marbonsir ma di hatihai di nama di Kolose angka parpoda haliluon (guru palsu) na mangalehon poda haliluon taringot tu Kristus. Asa dialusi Apostel i do angka parpoda haliluon marhite tangiang na mangidohon pantas ni roha di na mananda lomo ni rohaNa. Ima panandaon na so sian roha malomalo, alai mamangke habisuhon partondion — kemampuan rohani, di na paimbarhon aha na lomo ni Tuhan di tongatonga ni ulaon, parngoluon, di parkarejon, politik dohot angka na lan dope.

 

2. Marparange Na Tama (ay.10a)

“asa marpangae na tama di Tuhan i hamu…”.

Dipangidohon turpuk on asa saurdot ma tangiang haporseaon I tu parange na tama di adopan ni Debata. Pangantusion na  Umbagasna, ima Peripateo axios — mardalan na setimbang dohot na nidok ni Tuhan. Ndang holan di hata, alai saurdot ma nang di pangalaho jala na gabe pola hidup ni ganup halak Kristen. Isarana: Girgir jala mura do ganup hita olo martangiang molo di gareja, alai bangkol jala maol do olo martangiang molo dijabu, di pasar dohot di angka inganan na asing. Alani i do Apostel Paulus mandok: Panandaon na tutu pasti do manubuhon parange na tama di Tuhan i..

 

3. Marparbue jala Ganda (ay.10b)

“… jala marparbuehon nasa ulaon na denggan”.

Dung marparange na tama pangalaho ni Halak Kristen, tontu do ingkon patar do parange  na tama i, marparbuehon na denggan jala ganda. Adong dua kata kunci —karpophoreo (memberi buah) dohot auxano (bertumbuh). Diajari do Huria na di Kolose asa unang stagnan parngoluon ni nasida. Di pangantusion na umbagas, ia proses partondion I disagihon Ap. Paulus do songonon: Naparjolo, Mananda lomo ni roha ni Debata. Napaduahon, Marparange na tama. Napatoluhon, Marparbuehon nasa ulaon na denggan di parngoluon. Parbue I ndada holan holan jumlah anggota, alai parbue ni roha ima: holong, dame, pangurupion.

 

4. Margogo Jala Marlas ni roha (ay.11)

Dung lam ganda panandaon di Debata tontu dihorhon i do gogo na mangalehon las ni roha jala umboto mandok mauliate, di ganup ngolu ni halak Kristen.

Na umbagas nanidok ni turpuk on ima: Gogo on ndada na laho sipakkeon manaluhon musu, alai laho manghorhon (menanggung) ima Habengeton (ketekunan) dohot lambas ni roha (kesabaran) dohot las ni roha (sukacita). Natolu on ma na gabe sinjata ni ganup halak Kristen di portibi na mangilas on. Apostel Paulus pabotohon: Sangkap (inisiatif) sian Debata do saluhutna naung sahat tu ngolunta. Boi dohonon, jumolo do jolma I manjalo (menerima), dung i ma muse asa tarbahen jolma i mangalehon (memberi). Dung jolo hita jalo do gogo sian Debata , laos hinorhon ni i do patukhon hita mangalehon jala marlas ni roha.

 

5. Mandok Mauliate Disiala Naung Dipaunsat Debata (ay.12-14)

Tama do ganup jolma mandok mauliate disiala naung manjalo silehonlehon. Di hata Gorik didok Eucharistontes ima Tondi na mandok mauliate, marlas ni roha, marolopolop (hati yang bersyukur) disiala naung taruli di ragam ni asi ni roha dohot pasupasu sian Debata.

Tama do ganup hita mandok mauliate tu Debata, disiala asi dohot pasupasuNa do umbahen na tama hita:

1. Manjalo tohap di bagasan hatiuron, siteanon ni angka na badia i.

2. Diroro hita sian gomgoman ni haholomon, dipalua sian huaso ni dosa, sibolis dohot hamatean.

3. Dipaunsat sian haholomon tu bagasan harajaon ni AnakNa; Dipaunsat (dipapinda) status ni ganup na porsea i sian hatoban gabe anak ni Raja.

Dipasimpul Apostel Paulus do tangiangna dohot mauliate, jala ndang pangidoan. Ala sude nunga dilehon: Habisuhon, gogo, harajaon. Ngolu Na Imbaru (hidup baru) ima hubungan "menerima dan memberi" — kita menerima hikmat lalu memberi buah, menerima kekuatan lalu memberi ucapan syukur. Theologia eukaristia: Huria na sai tongtong martangiang tontu do gabe Huria na marlas ni roha.

 

III. HAHONAAN

Minggu Rogate ndang mangajari hita asa manambai gogo ni tangiangta, alai mananda gogo ni Debata naung mangalehon saluhutna di bagasan Kristus. Ndang mansohot hita martangiang, ala ndang mansohot Debata mangalehon asi ni roha dohot pasupasuNa.

Inilah dasar doa Rogate: kita berdoa bukan sebagai pengemis, tapi sebagai anak-anak Kerajaan Terang. Kita sudah ditebus, dosa diampuni. Maka ucapan syukur bukan akhir doa, tapi nafasnya. hidup baru adalah hubungan "menerima dan memberi" — kita menerima hikmat, lalu memberi buah; menerima kekuatan, lalu memberi syukur.

 

Sian Jamita di Minggu Rogate na marojahan : Manongtong Martangiang; Dipangido do tu ganup halak Kristen, asa:

Pasuang Isi ni Tangiangmu: Di Minggu Rogate, unang holan mangido pasu-pasu. Tangiangkon ma jolo: "Tuhan, ajar aku mengenal kehendakMu di keluarga, di ulaon, di huria." Songon Paulus, tangiangkon donganmu — ndang mansohot. Unang holan "Tuhan, lehon hepeng, lehon sehat". Sungkun ma: "Tuhan, aha lomoMu di ngolukku sadarion?" Ima tangiang na umbagas

Uji Tangiang Sian Parbuena: Molo tutu ho martangiang, adong do perubahan: lam lambas roham mangadopi dongan na salah, lam ringgas ho mangula ulaon na denggan tanpa dipuji, lam ganda panandaonmu tu hata ni Debata.

Ingot Hadirionmu (Identitas): Hita naung di harajaon Anak. Jadi di Minggu Rogate, martangiang ma songon anak na mangido tu Amana, ndang songon hatoban na mabiar tu tuanna. Kita bukan lagi di "kuasa kegelapan" maka rasa takut, dendam, hoax, judi online harus kita singkirkan. Maka doa Rogate adalah doa orang merdeka, bukan budak. Amen.

Berbagi :