SERMON EPISTEL MINGGU JUBILATE, 26 APRIL 2026
Topik: Marolopolop Do Rohangku Jala Mariaria Do Tondingku
Ayat: 1 Kronika 16:28–36
1. Patujolo
Torop parendeon na marangkup arbab, sarune, tulila, parhinaloan dohot alat-alat musik klasik nang alat-alat musik kontemporer. Boasa songon i? Tontu ala nionjar ni perasaan na luar biasa na naeng sipapuason, laho mamuji Debata. Boasa ingkon pujian Jahowa Debata? Ala pardengganbasa do Jahowa jala ro di salelenglelengna do asi ni roha-Na. Lobi sian i, Debata na ro manopot bangso-Na do Ibana.
Naung masuk do diboan bangso Israel poti ni Debata, jala dipajongjong di parsitongaan ni undung-undung nasida. Na masa i patuduhon haradeon nang haoloon ni Debata maringan di tonga-tonga nasida. I do hataridaan denggan basa dohot asi ni roha ni Debata na so ada tudosna jala na so marpansohotan. I do na niendehon nasida. Diendehon nasida do i marhite ende marangkup alat-alat musik, na patuduhon ekspresi na luar biasa.
Tontu, i do ende na dumenggan, na tutu situtu gabe ungkapan hati dohot ekspresi perasaan. Isara, ende na somal do ende “Balga Tutu Pambaen-Mi Tuhan” sian nahinan. Nuaeng, gabe ende na imbaru do i molo haruar i sian roha parbagasan jala sian nasa roha. Boi dapot i molo tutu situtu nihilala hinabalga ni pambahenan ni Jahowa. I ma penghayatan na manubuhon interpretasi. Sian interpretasi i ma haruar ekspresi. Ala ni i, molo didok di Psalmen 98, "Endehon ma ende na imbaru di Jahowa," tontu ndada pintor gubahan baru. Na boi do i gabe ekspresi baru dohot penghayatan baru ganup ari di pambahenan ni Jahowa.
2. Hatorangan
Naung masuk do diboan bangso Israel poti ni Debata, jala dipajongjong di parsitongaan ni undung-undung nasida. Poti ni Debata tudosan ni na jongjong Debata di tonga-tonga ni bangso i. Poti Parpadanan mamungka uju di hamusuon, “Disi do langgatan pardaupaan sere dohot poti parpadanan, na nilampisan saluhut dohot sere, di bagasanna do guriguri sere na marisi manna i dohot tungkot ni si Aron na martumbur i, ro di batu panuratan padan i; jala di atasna Kerubim di hasangapon, na mangalinggomi langkop pardengganan i.” (Patudos tu Heber 9:4-5). On ma na mangojar roha ni Raja David dohot Israel mamuji-muji Jahowa!
Uju di tonga-tonga nasida Poti ni Debata (1 Sam. 3:3) - Poti Parpadanan i (5 Musa 31:26), sude musuna dipapatu Israel. Alai molo dirampas bangso na asing manang musuna Poti ni Debata, talu jala patu ma bangso Israel tu angka bangso na mamorangi nasida.
Ala naung diusung mulak Poti ni Debata tu Jerusalem, marlas ni roha jala marolopolop ma David. Diarahon ma si Asap do ihutan parjolo, si Sakaria paidua, dung i si Jeiel, si Semiramot, si Jeiel, si Matitia, si Eliab, si Benaia, si Obed-Edom dohot si Jeiel mardongan parhinaloan dohot hasapi; alai anggo si Asap dipagogo do
Adong do na tarlumobi di las ni roha ni bangso i ala parbongot ni Poti ni Debata tu Jerusalem, i ma: “Ingkon marlas ni roha ma antong angka langit, jala marolopolop tano on, jala paboaboa hamu ma di tongatonga ni angka parbegu, Jahowa do Raja! Marhasakhasak ma laut i ro di isina! Marolopolop ma ladang i ro di nasa na disini! Marolopolop ma disi sude angka hau di tombak di adopan ni Jahowa, ai nunga r
Ndada holan pamujion mardongan boaboa, huhut do mangoku Jahowa do Raja, ai ro di saleleng ni lelengna do asi ni roha-Na i. Mangihut rap ma saluhut bangso i mangidohan: “Tumpahi ma hami, ale Debata ni hatuaonnami.” (ay. 35).
Songon Koor Raksasa, rap marende pamujion ma nasa jolma dohot sude na tinompa, tarbege ma soara na mansai uli. Disura roha, so tung do soara parendeon na songon i na binege ni si Ludwig van Beethoven, Wolfgang Amadeus Mozart, Johann Sebastian Bach, Joseph Haydn, nang songon i nang na binege ni angka pande parende komponis Batak uju patomutomu angka endena na tarbarita, isara ende “O Tano Batak”.
Pamujion ni si David on pasunggul rohanta tung mangurupi situtu do hape angka na tinompa ni Debata na asing na i, donganta rap mamuji Debata. Ala ni i, tongka ma nian pasuda-suda alam lingkungan hidup. Unang ma dieksploitasi palobihu holan ala pasari-sari pertumbuhan ekonomi. Unang ala mangharingkothon ngolu na materialistis, konsumtif, dohot hedonis, d.n.a.
Raja do nian si David, alai tung ditanda do dirina di adopan ni Debata. Ibana mangokuhon Jahowa do Raja, ai ro di saleleng ni lelengna do asi ni roha-Na i. Bahat do arta ni Raja David, parmonang do ibana di parporangan na manaluhon si Goliat, pande marhasapi do ibana, pande marende, jala mantan parmahan. Viral do ibana di ende-ende ni boru Jerusalem.
Alai uju bongot Debata di tonga-tonga ni bangso i di Jerusalem, jongjong di parsitongaan ni undung-undung. Marhite parsuruon ni si David, dipelehon nasida ma angka pelean situtungon dohot hamauliateon di adopan ni Jahowa. Mamuji-muji dohot mandok mauliate dohot pasangaphon Jahowa, Debata ni Israel.
Songon i ma buku Kronika songon penyusunan kembali sejarah parngoluon bangso ni Debata. Buku on dirangkai mulak asa teratur marhite Kronologi, laho manghatindangkon paboa ngolu ni bangso ni Debata nunga gabe parjambaran jala ulaula di tangan-Na. Ibana do na mamillit, Ibana na pabangkitton angka pamimpin dohot raja-raja ni bangso Israel laho manogu bangso i asa mangolu hombar tu lomo ni roha ni Debata. Asa unang tarsirang bangso Israel i sian Poti ni Debata/Poti Parpadanan i.
3. Sipahusorhusoron
a. Gabe antusanta ma, ia ngolu ni na mangasahon Debata i do ngolu ni halak na marlas ni roha jala marolopolop soarana. Ngolu na mambahen Debata gabe partanobatoanna. Anggo mangolu rap dohot Debata, mamboan olop-olop, hamauliateon, dohot pujipujian di ngolunta. On do na gabe parhusor-husoranta marhite turpuk on. Mansai uli do hape molo mangolu rap jala mardalan saluhutna rap dohot Tuhan. Mardalan hita rap dohot Raja Siparsangapi saluhut alam semesta on. On do inti ni ende hamauliateon on: pangatindangkonon tu Tuhan na Sunhinagoam i dohot tu denggan basa-Na di bangso Israel nang di angka bangso di liat portibi on. Mamungka sian ompo ni nene-tureture ni Israel, i ma Abraham, Isak, dohot Jakob, sahat tu zaman ni Raja David, tangkas jala nyata do panogu-noguon ni Tuhan i (ay. 12-22). Saluhut bangso, tano on, dohot sude na tinompa, unduk do di adopan-Na (ay. 23-35).
b. Anggo marende i, ndada holan asal mangendehon nada dohot irama. Di bagasan sada ende, adong do barita, podah, dohot panindangion roha asa dibege halak na asing. Marhite ende, halak na asing na mangolu di sundut (zaman) na asing pe boi mandapot parbinotoan jala rap manghilala haporseaon na tutu rap dohot Tuhan.
c. Marhite buku Kronika on botoon ma: na tinembak ni parendeon, ndada holan soara na uli na mandok na burju Debatanta i, alai lobi sian i. Debata nunga ro di tonga-tonganta rap dohot hita di bagasan Jesus Kristus. Imanuel. I ma olop-olopta—Jubilate! Amin.
Posting Komentar untuk "Jamita Partangiangan, 1 Kronika 16: 28 – 36"